ا🌹🌿🌹🌿🌹🌿🌹
ا🌿🌹🌿🌹
ا🌹🌿
ا🌿 #درد_دل
ا🌹
با سیدالشهدا
راه شام ، ورود به شام و...
" به نام حضرت عشق"
#حسینون عشقی اورکده خدا عنایتی دور
تفضل ایلیوب الله ، نشان رحمتی دور
#حسینون عشقی وئرر عزت اهل معنایه
عزیز ایلین هر عاشقی ، محبتی دور
ولایت اهلی بولون هئچ زماندا خوار اولماز
#حسینه آغلاماق عالمده ، عشق علامتی دور
#حسین ، امیر دور عالمده کل مخلوقه
گدای بیله شه اولماق ، غریبه قیمتی دور!
بیر عمردور. آقامین درگهینده نوکریم
خدادن ایستدیقیم ، شاهیمین معیتی دور
#حسین آدین دیرم کربلانی یاد ائدرم
نه #کربلا ، که وئرن غم دیله ، مصیبتی دور
چوخ ایستورم که گئدم ، اربعین زیارتینه
(کمال مومن پاک ، اربعین زیارتی دور)
نه کربلا ، که بهشت خدادن افضل دی
شفا وئرن مرض هر مريضه ، تربتی دور
نه کربلا ، کی او یرده اسیر اولوب #زینب
منی ده درده سالان #زینبون اسارتی دور
آپاردیلار قولی باغلی به سوی کوفه و شام
نجه دیوم نه روا ، بو قوناقین حرمتی دور ؟
ورا ورا آپاریبلار ، بنات طاهانی
دین نه اولدی بولار ، مصطفانون عترتی دور
اولوبلار همسفر اول شمر بد مآبيله
وران اورکلره اود ، شمر دون شماتتی دور
(اسیر لردن ئولوب يولدا نچه نازلی بالا )
نه نوعی دفن اولونوبلار ، غریبلیق ، آیتی دور
وروبلا شه باشینی ، #زینبون مقابلینه
باجینی درده سالان ، قارداشینون غربتی دور
باخاردی قارداشینون قان دولان ، او گوزلرینه
دیردی من سنه قربان ، کی عشق علامتی دور
دولاندی گون ، یتشوب شام شهرینه ، #زینب
او یر کی یاندیران عالملری ، مصیبتی دور
دولاندیربلا یهودی محله سین ، ایوای
داش آتدیلار ، که نشان از #علی عداوتی دور
ائدردى هلهله داملاردا ، شام قیزلاری
نه رسم دور ، بو نه عادت ، بو نه شریعتی دور
توکوبله نی اودونی ، زین العابدین باشینا
یانوب عمامه سی ، ایوای ، بو نه طریقتی دور
جسارت ایلدیلر ، هر نه نوعیلن ، بولوسن
نه قدر کینه سی وار ، بو نجه جماعتی دور
باخاردی خیرداجا قیزلار ، یاناردی آغلاردی
دیردیلر ، امان ، الله ، ئولوم نه نعمتی دور
خرابه گوشه سینی ، وئرديلر مكان ، دشمن
عیال و عترت طاهایه ، بو نه ، حرمتی دور
همان او یر کی او یر ده #رقیه ، جان وئردى
گواه ائدن بو سوزه ، #زینبون روایتی دور
عجیبه نظمه چکوب ، بو قضیه نی ( #فرقان )
تفضل ایلیوب الله ، نشان رحمتی دور
💥محرم الحرام سال1442ه.ق💥
99/6/26
🌹
🌿
🌹🌿
🌿🌹🌿🌹
🌹🌿🌹🌿🌹🌿🌹
🌹🌿🌹🌿🌹🌿🌹🌿🌹
telegram.me/hoseinmohammadzadforgan
🌹🌿🌹🌿🌹🌿🌹
*****************************************