ا🌹🌿🌹🌿🌹🌿🌹
ا🌿🌹🌿🌹
ا🌹🌿
ا🌿 #درد_دل
ا🌹
با سیدالشهدا
و روضه حضرت علی اکبر
" #حریم_کبریا "
سلام اولا او شاهه کی ، حریم کبریا سی وار
بهشت عدن دن گوزل ، حریم کربلا سی وار
امیر عالم وجود ، امام کل ما خلق
آدی #حسین فاطمه ، نه اسم با صفاسی وار
#حسین آدینی سسلرم ، تمام طول ماه و سال
آدین دینده دل یانار ، مثال نی ، نواسی وار
بو آددا بولمورم نه وار ، دینده قلبیم اودلانور
یقین اولور بو سوز منه ، بیر آیری ماجرا سی وار
دیوله دعوت ائتديلر ، امامی کوفه اهلی ، تا
سیادت ایلیه امام ، او شهره کی . بلا سی وار
و لیک ناصواب اولوب ، امامه ائتديلر جفا
خیانت ائتدى اكثرا ، نه قوم بی وفا سی وار
سالیبلا قوم بی وفا ، امامی دام محنته
کی کربلاده گورسدیب ، بو قوم . نه جفاسی وار
نه ظلم و جور ائتديلر ، خدای لا مکان بولور
اشاره ایلورم بیر آز ، دل اهلینون رضا سی وار
ازلده مانع اولدولار ، سو تا یته خیامینه
#عطش سالیب توانیدن ، سولوب نه قدر . یاسی وار
یتشدی موسم قتال ، فدا اولوب صحابه لر
زهیر و عابس و بریر ، #حبیب تک فداسی وار
فدائيان بی مثل ، صحابه های بی بدل
تمام یتمیش عاشقی ، کی عشق بی ریا سی وار
قالیبدی آل هاشمین ، ادبلی گل نواده سی
#علی_اکبر آدلی بیر ، جوان مه لقا سی وار
اولوب قتاله رهسپار ، عطش سالیب توانیدن
خلاصه ایلورم بیان ، کی شیر تک بالا سی وار
دیوله چوخلی دشمنی ، جهنمه وصال ائديب
ولیک سالدیلار یره ، بدنده چوخ یارا سی وار
گلن ورور گئدن ورور ، تمام نیزه. اوخ وران
اولوبدی گل کیمی خزان ، یوزونده قان حنا سی وار
دیردی آی غریب بابا ، یخیلمیشام ترابه . گل
وصال حقه چاتماقا ، خیالیمون رضا سی وار
گرک گورم جمالیوی ، یتم وصال حقه . تا
قدم لریوه یوز قویوب ، گوره هامی آتا سی وار
یتیردی شاه تاجدار ، اوزون او قانلی مقتله
سالیب عقابیدن یره ، اوزون حزین صدا سی وار
اوغول جنازه سین تاپیب ، دیز اوسته آلدی باشینی
سیلیب او قانلی گوزلرین ، غریبه ابتلا سی وار
آخوب عذاره گوز یاشی ، گلوبدی آه و نالیه
کی وئر جواب اوغول #علی ، سسونده جان نداسی وار
نه قدر دل دئدى گوروب ، توانی یوخ دانیشماقا
دولوب قانیله آغزی چون ، جوابیدن ابا سی وار
دئدى قوم اوسته یاتما. دور ، خیامه منله تا گئداخ
یولون گوزتلوری آنان ، خیمده غم فضا سی وار
آلانمادی قوجاقینه ، ائديم نه چاره ای خدا
خیامه حملین ائتماقا ، گوروب کی بیر . عبا سی وار
سالیب عبا سینی یره ، ییغوب عبایه نعشینی
گوروب نه دیزده وار توان ، نه گئتماقا قوا سی وار
گلین دئدى جوانلاريم ، خیامه سیز روان ائدين
کی گورماقا بالا سینی ، خیامده آنا سی وار
بو غمده ( #فرقان ) آغلادی ، اشکین عذاره باغلادی
بیر عمر سینه داغلادی ، شفاعته سزا سی وار
💥اول ماه صفر سال1442ه.ق💥
آخرین ساعات جمعه
99/6/29
🌹
🌿
🌹🌿
🌿🌹🌿🌹
🌹🌿🌹🌿🌹🌿🌹
🌹🌿🌹🌿🌹🌿🌹🌿🌹
telegram.me/hoseinmohammadzadforgan
🌹🌿🌹🌿🌹🌿🌹
*****************************************